Gjergj Zefi ka reaguar në rrjetet sociale për dhunën që u ushtrua ndaj tij ditën e sotme. Ai shprehet se është mirë dhe ka një mesazh për ata që kërkojnë ti mbyllin gojën.
Zefi thotë se nuk mund të tërhiqet në luftën për të vërtetën. Çdo sulm do t’a motivojë atë edhe më shumë në rrugën e së vërtetës. Gjithashtu Zefi shprehet se është shumë i fortë se ç’mendojnë ata që e sulmuan.
Postimi:
Gjithkush mendon se mund të më mposhtë në luftën time për të vërtetën: Gabon!
Kurrë dhe për asnjë arësye nuk terhiqem…
Çdo sulm ndaj meje, më motivon më shumë në rrugën për të vërtetën në këtë vend…
U përpoqët me presione dhe nuk ja arritët; u përpoqët me gjyqe, nuk ja arritet; u përpoqët të më denigroni dhe të më tërhiqni në prehrin e tallavasë, prapë nuk arritët; më sulmoni si cubat të fshehur pas makinave; nuk do ja arrini kurrë dhe për asnjë arësye…
Nuk kam as frikë e as droje; cubat godasin pas shpine, trimat dalin përballë…
Jam shumë më i fortë se ju mendoni…
Falenderoj të gjithë miqtë që u interesuan për shëndetin tim…
Jam mirë dhe më i fortë se kurrë!
Gjergj Zefi është drejtuesi i portalit “Pamfleti.net”. Ditën e sotme ai u sulmua teksa dilte nga zyra e tij në rrugën “Bardhok Biba” nga disa persona të panjohur. 52-vjeçari u godit me sende të forta dhe për shkak të plagëve shkoi tek spitali i Traumës.
