Ish-deputetja e PD-së Grida Duma ka folur për jetën e saj private në emisionin në “E Diell” në rubrikën “Këndi i së vërtetës” përballë Edi Manushit. Para disa javësh në media qarkulloi lajmi i divorcit të Dumës me bashkëshortin e saj pas një martese 22-vjeçare.
Duma ka folur për marrëdhënien që ka me djalin e saj që është duke u rritur dhe tregon që frika më e madhe për të është se po afron koha kur ajo do jetë larg tij.
“Atij ka filluar t’i pëlqejë palestra dhe se nuk rri tërë kohës me iPad në dorë. Më janë shtuar frikërat që po afrohen vitet që unë do të jem shumë më vetëm pa të”, është shprehur Grida Duma.
Më tej gjatë bisedës Gida Duma është shprehur se ajo nuk mund të jetë shoqja e djalit të saj pasi njeriu duhet të ruajë disa ekuilibra dhe të respektojë disa role.
“Nuk mund të jem shoqja e djalit tim sepse njeriu duhet të dijë distancën, ekuilibrin dhe rolet. Po e humbëm këtë, do të thotë se nuk mund ta guidoj. Unë shpresoj që të kem edhe ca vite që ta guidoj”, ka thënë ish-deputetja.
E pyetur mbi raportin që ka djali i saj me paratë dhe jetën e luksit Duma është shprehur: Nuk bëj jetë luksi, të paktën im bir nuk e njeh çfarë do të thotë jetë luksi. Ai ka marrë gjithmonë dhe ka gëzuar teknologjinë që lë unë, nuk ka marrë njëherë një telefon të ri.
(j.b/faxweb.al)
