10 persona janë arrestuar nga policia gjermane pas operacioneve në shtetet perëndimore të vendit, Vestfalia e Rinit Verior dhe Baden-Vyrtemberg, të dyshuar si terroristë islamikë.
Lajmin është bërë me dije nga një zëdhënës i Zyrës së Prokurorit në Dyseldorf i cili tha se autoritetet po verifikojnë për lidhje të mundshme mes personave të arrestuar dhe grupit militant Shteti Islamik. “Ne po shohim lidhjet e mundshme të tyre me ISIS-in, pasi që dyshojmë se ata ishin një grup i krijuar nga ISIS”, theksoi zëdhënësi.
Për momentin personat janë thjesht të dyshuar, ndërkohë sipas agjensisë së lajmeve DPA bëhet me dije se personat ishin arrestuar pas operacioneve policore që u zhvilluan në Esen, Dyseldorf, Vupertal, Mynshengladbah, Duisburg dhe Ulm, edhe pse nuk dihen shënjestra të sakta të sulmeve të tyre.
Burime nga Prokuroria për DPA janë shprehur se njëri nga të dyshuarit është nga Taxhikistani, ndërkohë nuk dihet saktësisht kombësitë e të arrestuarve të tjerë.
Discussion about this post