Gentian Doda, i ekstraduar nga Anglia 3 ditë më parë, u njoh me masën e sigurisë “arrest me burg” në Gjykatën për Krimet e Rënda. Ai akuzohet për korruptimin me 30 mijë euro të gjyqtarit të Apelit Tiranë, Shkëlqim Miri.
Sipas prokurorisë, kundrejt rryshfetit gjyqtari Miri la në fuqi vendimin ndryshoi një denim te mëparshem ndaj Dodës nga “vrasje” në “plagosje të rëndë”.
Masa e sigurisë e dhënë në mungesë për të u ekzekutua një muaj më parë, kur ai u arrestua në Mbretërinë e Bashkuar, dhe më pas u vendos për sjelljen e tij në Shqipëri.
Emri i Gentian Dodës doli nga disa përgjime ku ishte i përfshirë gjyqtari Shkëlqim Miri, i paguar nga Doda për ta liruar nga burgu përmes dy sekserëve njëri prej tyre kushëri i gjyqtarit Miri.
Përmbledhje e ngjarjes së ndodhur nga policia:
Shtetasi G.D. në bashkëpunim me shtetas të tjerë I ka dhënë një shumë prej 30.000 eurosh gjyqtarit të Gjykatës së Apelit Tiranë (Sh.M.) me qëllim lehtësimin e pozitave të tij dhe lirimin nga burgu për të ndryshuar vendimin e Gjykatës së Rrethit Gjyqësor Mat, e cila me vendimin penal nr. 41, datë 26.01.2001 e kishte dënuar këtë shtetas me 20 vjet burgim për veprat penale “Vrasje me paramendim” dhe “Mbajtja pa leje e armëve, armëve shpërthyese dhe e municionit”.
Gjykata e Apelit Tiranë me vendimin penal nr. 896, datë 07.06.2017 ka vendosur lënien në fuqi të vendimin penal nr. 94, datë 20.09.2016 të Gjykatës së Rrethit Gjyqësor Mat, duke favorizuar pozitën e shtetasit G. D. dhe lirimin e tij nga burgu.
Si rezultat i bashkëpunimit të Interpol Tirana me Interpol Manchester, u bë i mundur arrestimi i tij në Mbretërinë e Bashkuar, duke u finalizuar me ekstradimin drejt vendit tonë.
(E.K/Faxweb.al)
Discussion about this post