Homazhet për Artan Cukun, efektivin e policisë që u ekzektua mbëmjen e djeshme, do të mbahen sot nga ora 12:00 deri në orën 13:30 në ambinetet e Drejtorisë Vendore të Policisë së Tiranës.
Artan Cuku, njohet si drejtori i hekurt i Vlorës i cili u qëllua 4 herë në gjoks dhe një herë në kokë, ku humbi edhe jetën. Ai njihet nga të gjithë si nga të paktët drejtues që e bëri “zap” krimin.
Fillimisht Cuku shkoi si nëndrejtor në Vlorë në kohën kur drejtimi i Policisë bëhej nga Vehbi Bushati. Më pas ai u transferua për në Berat si shef komisariati, më vonë edhe në qytete të tjera.
Angazhimi i fortë dhe aksionet si nëndrejtor shpeshherë bënin që të ktheheshin në qendër të vëmendjes operacionet e kryera.
Më pas rikthimi si drejtor në Vlorë bëri që të kishte më shumë në dorë përsa i përket operacioneve dhe aksioneve të cilat gati në të gjitha rastet i drejtonte vetë.
Mungesa e besimit që kishin qytetarët te policia bëri që të vendoste numrin personal kudo 0684111021, ku brenda një kohe shumë të shkurtër nëpërmjet këtij sistemi u arrit të zbardheshin shumë ngjarje. Emri i Cukut bëri që numri i krimeve të binte në qytet dhe të zbardheshin shumë ngjarje të rënda duke nisur nga grabitje bankash dhe deri te vrasje. “Shuplaka” mëson se për shkak të operacioneve delikate që kryente, ai shumicën e kohës e kalonte me komisariat madje dhe aty flinte në një dhomë ngjitur me zyrën. (J.V/Shuplaka)
