Jashar Luca, babai i cili u filmua teksa abuzonte seksualisht me vajzat e tij të mitura përfiton gjykim të shkurtuar, kjo sepse abuzuesi i ka pranuar akuzat përpara trupit gjykues.
I pandehuri nuk u paraqit vetë gjatë seancës së parë në Gjykatën e Tiranës, megjithatë kishte autorizuar avokatin e tij që t’i pranonte të gjitha akuzat ndaj tij.
Me këtë veprim, Luca shmang përballjen me vajzat e tij të mitura të cilat e denoncuan në polici për ngacmim seksual.
Dy të miturat, u detyruan që ta regjistronin me kamera abuzimin e të atit, në mënyrë që të bindnin anëtarët e tjerë të familjes se ato thonin të vërtetën.
Në seancën e ardhshme, prokuroria do të paraqesë edhe pretencën ndaj të pandehurit.
Nën akuzën për “ngacmin seksual me të mitur”, Luca rrezikon nga 3 deri në 7 vite burg. (D.D/Shuplaka)
