Kreu i Partisë Demokratike, Lulzim Basha do të zhvillojë në orën 10:00 të ditës së sotme ambasadorin e Britanisë të akredituar në vendin tonë, Dunkan Norman.
Takimi mësohet se do të zhvillohet në selinë e PD-së dhe vjen në një kohë kur protestat e opozitës janë përshkallëzuar dhe bërë më të shpeshta.
Ky takim vjen një ditë pas protestës së fundit të opozitës dhe deklaratës ku Ambasada Britanike ka dënuar dhunën e përdorur në protestën e 11 Majit si ndaj protestuesve ashtu edhe ndaj Policisë së Shtetit.
Njësoj si Ambasada Amerikane, dhe kjo ambasadë një thirrje të drejtëpërdrejtë e ka pasur për liderat e opozits, mbi të cilët sipas saj, bie përgjegjësia për një protest të qetë dhe pa dhunë (lexo këtu).
Ndërkohë një draftmarrëveshje për zgjidhjen e krizës politike në vend ka qarkulluar ditën e djeshme nëpër media. Marrëveshja e përbërë nga 7 pika kryesore, thuhej se është pjesë e propozimit të opozitës, si kusht kryesor për ndërprerjen e protestave të dhunshme dhe uljen në tryezën e bisedimeve dhe nuk dihet nëse në këtë takim do të diskutohet për këtë temë.
Ndërkohë që kujtojmë se mesnatën e kaluar ka mbaruar edhe afati kushtetues për regjistrimin e kandidaturave për kryetar të bashkive si dhe për anëtar këshilli në 61 bashkitë e vendit ku opozita ashtu siç edhe kishte paralajmëruar, nuk i ka dorëzuar listat e saj.
(F.GJ/FAXWEB.AL)
