Sekretari i Përgjithshëm i Partisë Demokratike ka reaguar në rrjetin e tij social në Facebook në lidhje me një lajm që u publikua sot se ish Kryetari i Bashkisë Vorë është parë duke lëvizur i lirë në Tiranë nderkohë që është në kërkim.
Ai thotë se Agim Kajmaku ka mbrojtjen e Edi Rames prandaj nuk arrestohet madje pak javë më parë i dha këtij të fundit edhe një tender prej 50 milion lekësh thotë Bardhi. Shkrimin e tij Bardhi e shoqëron edhe me një video-deklaratë ku e mbronte ish-kreun e Bashkisë Vorë.
Të gjithë e dinë që Agim Kajmaku nuk është në arrati, por jeton i lirë si çdo kriminel tjetër që Edi Rama do që të jetë i lirë. Exit.al provoi sot se Edi Rama i Vorës, Agim Kajmaku, lëviz lirshëm në mes të Tiranës, sa në një lokal në tjetrin. Dëshmitarë të tjerë e kanë parë në Durrës me drejtues të Partisë Socialiste atje. Vetëm Policia e komanduar nga Edi Rama nuk e gjen ku është Agim Kajmaku.
Postimi i plotë
“Agim Kajmaku, gjoja më kërkim nga drejtësia, nuk arrestohet, sepse Edi Rama nuk e do të arrestuar bashkëpunëtorin e tij që mashtroi dhe fshehu te kaluarën kriminale në Greqi. Për të treguar se Agim Kajmaku është nën mbrojtjen e tij, Edi Rama jo vetëm nuk e shkarkoi kurrë Agim Kajmakun, por pak javë më parë, kur ai ishte në kërkim policor, i dha firmës Kajmaku një tjetër tender publik prej 50 milionë lekësh.
Që policia të mos veprojë si polici partiake dhe që drejtësia të mos jetë nën kontoll politik, zgjidhja është largimi i Edi Ramës”!
https://www.facebook.com/gazment.bardhi/videos/10221657741022517/?t=20
Discussion about this post