Kirugu nga Shkodra, Besmir Grizhja, i cili u dhunua një ditë më parë në oborrin e spitalit të Shkodrës nga burri i një pacienteje, ka deklaruar se ka pasur një konflikt me bashkëshortin e një pacienteje për shkak se bashkëshorti i saj mendonte se po i zgjatej trajtimi në kohë.
Në një prononcim për “Shkodra News” ai ka treguar se pacientja trajtohet rregullisht sipas protokolleve, madje ai shprehet se e ka ndihmuar duke i siguruar edhe medikamente privatisht.
“Kam patur një konflikt me një familjar të një paciente që e trajtojmë rregullisht. Bashkëshorti i saj ka pretendim se i zgjatet trajtimi ndërkohë qe ai ka kartelë psikiatrike! Për më tepër nuk ia merr mjekimin bashkëshortes. Pacienten e kam trajtuar sipas protokolleve më të mira, biles duke i siguruar edhe medikamente privatisht meqë kishte me marrë mjekim për shumë kohë dhe e kam ndihmuar sado pak! Për më tepër kjo paciente është e para që merr me rimbursim një ilaç të shtrenjtë shumë! Për më gjatë zyrtarisht do reagojë edhe spitali i Shkodrës. Falenderoj ata që më kanë mbeshtetur dhe jane solidarizuar me mua”, ka thënë ai.
Policia ka shpallur në kërkim autorin Ali Kopliku, i cili goditi kirurgun.
Sipas policisë ai është person me precedentë të mëparshëm penal.
(B.H/Shuplaka)
Discussion about this post