Policia e Vlorës ka arrestuar një 55-vjeçar pasi është kapur me 5 kg lëndë narkotike Cannabis Sativa. 55-vjeçarit i janë gjetur dhe sekuestruar nga policia në një depo pranë banesës tre thasë me material bimor në gjendje të thatë me lëndë narkotike Cannabis Sativa.
DETAJE:
Policia Vlorë ka vijuar punën lidhur me evidentimin e veprave të ndryshme penale dhe vënien përpara përgjegjësisë ligjore autorët kryerës së tyre, bazuar në këtë kuadër Strukturat Policore kundër narkotikëve në DVP.Vlorë, kanë arrestuar në flagrancë shtetasin : Jano Aliaj, 55 vjeç, banues në Brataj,Vlorë.
Këtij shtetasi i janë gjetur dhe sekuestruar nga policia në një depo pranë banesës tre thasë me material bimor në gjendje të thatë me lëndë narkotike Cannabis Sativa, me peshë 5 kilogram. Ndërkohë efektivët e Seksionit për Krimet në Komisariatin e Policisë Vlorë, në vijim të punës së tyre për kapjen dhe ndalimin e shtetasve të shpallur në kërkim, kanë bërë të mundur kapjen e shtetasve : Ergent Allushaj, 28 vjeç, banues në Vlorë, Elton Trimi, 23 vjeç, banues në Vlorë,
Për të dy shtetasit e mësipërm Gjykata e Rrethit Gjyqësor Vlorë, i ka dënuar me Vendimin Penal Nr.661 datë 03.12.2015, për veprën penale ”Vjedhja e kryer në bashkëpunim”. Materialet iu referuan Prokurorisë së Rrethit Gjyqësor Vlorë për veprime të mëtejshme proceduriale. (J.V/Faxweb)
Discussion about this post