U kap me 19 pistoleta, i riu suedez del para gjykatës: Kisha nevojë për para, intenerari që ndoqa

Ditën e sotme ka dalë në Gjykatë ku është njohur me masën e arrestit me burg, i riu nga Suedia që pak ditë më parë është arrestuar në Murriqan, pasi kishte me vete 19 pistoleta.

Sebastian Vall ka treguar se ai ka qenë vetëm transportues i armëve dhe gjithçka e ka bërë për arsye financiare.

‘’Do bëja vetëm transportin e pistoletave, qëndrova 4 ditë në Prishtinë. E bëra, pasi isha i papunë, nuk kisha para për studime”- ka thënë ai.

Ai ka treguar se ka udhëtuar tranzit nga Suedia për në Turqi dhe më pas në Prishtinë,  ndrërsa armët i ka marrë nga një person që nuk e njihte.

Përpara dy ditësh, Policia Kufitare në Muriqan bëri arrestimin në flagrancë të shtetasit Sebastian Vall, pasi gjatë kontrollit të detajuar në vijën e dytë, në çantën e 21-vjeçarit suedez, i cili udhëtonte si pasagjer në autobuzin e linjës Kosovë -Gjermani, u gjetën dhe u sekuestruan 19 pistoleta kalibër 7.65.

(E.K/FAXWEB.AL)