U kap me 50 mijë euro drogë, dënohet me burg shqiptari në Itali. E ruante me qen pastorë

8 vite burg, ky është dënimi që Gjykata e Chieti-t në Itali ka vendosur për një 28-vjeçar shqiptar, i cili është kapur me 50 mijë euro drogë.

Mediat italiane bëjnë me dije se të riut shqiptar i janë sekuestruar rreth 705 gr kokainë. Sipas autoriteteve, kokainën 28-vjeçari do ta shpërndante për ta shitur. Ndërkohë që i ishte zbuluar edhe një sasi e vogël hashashi që dukej se ishte për përdorim vetjak. Droga, që arrinte një vlerë 50 mijë euro po të shitej, ishte fshehur në një stivë drush pranë shtëpisë së rumunëve, dhe ruhej nga dy qen të mëdhenj pastorë gjermanë.

Përveç shqiptarit në burg kanë përfunduar edhe dy rumunë me të cilët ai bashkëpunonte. Ata janë dënuar me 6 vite heqje lirie. (D.D/Shuplaka)