Policia Kufitare e Rinasit ka arrestuar një 20 vjeçare, nga Tirana pasi u kap me 12450 euro të padeklaruara.
Mësohet se 20-vjeçarja ka deklaruar në polici se po shkonte jashtë vendit për të bërë “shopping”, ndërkohë që nuk ishte në dijeni se duhet ta deklaronte shumë.
“Shërbimet e Policisë Kufitare të Rinasit, në dalje të RSH-së, si rezultat i masave shtesë qoftë në intervistimin për arsyen e udhëtimit apo edhe për kontrollin fizik dhe të bagazheve, me qëllim parandalimin dhe goditjen e paligjshmërisë, gjatë kontrolleve të ushtruara kanë përzgjedhur për kontroll në vijën e dytë, 20-vjeçaren I. K., banuese në Tiranë.
Gjatë kontrollit të ushtruar, shtetases së lartpërmendur iu gjetën në çantë 12450 euro, të padeklaruara në doganë.
Në përfundim të veprimeve të para hetimore të kryera nga specialistët e Policisë Kufitare në Rinas, materialet në ngarkim të kësaj shtetaseje i kaluan Prokurorisë, për veprime të mëtejshme, për veprën penale “Mosdeklarim i vlerave monetare në kufi”.”- njoftoi policia.
