Një i ri është vënë në prangat e policisë nën akuzën e kalimit të paligjshëm të kufirit të personave të tjerë.
Është arrestuar shtetasi Mato Proko 21 vjeç, banues në Lazarat të Gjirokastrës, i cili u kap në flagrancë duke transportuar gjashtë sirianë përkundër fitimit. Shtetasit sirianë u transportuan në Kakavijë për t’u intervistuar.
Detaje të policisë:
Arrestohet në flagrancë një shtetas për veprën penale “Ndihmë për kalim të paligjshëm të kufirit”. Nga Specialistët e Seksionit për Hetimin e Trafiqeve në D.V.P. Gjirokastër u arrestua në flagrancë shtetasi :
Mato Proko, 21 vjeç, banues në fshatin Lazarat, Gjirokastër.
Arrestimi i këtij shtetasi u bë pasi:
Në aksin rrugor të fshatit Poliçan, Bashkia Dropull, ky shtetas u kap duke transportuar me automjetin 6 (gjashtë) shtetas Sirianë, përkundrejt fitimit.
(Shtetasit sirian janë shoqëruar për në zyrat e Pikës së Kalimit Kufitar Kakavije për tu intervistuar.) Materialet i kaluan Prokurorisë së Rrethit Gjyqësor Gjirokastër për veprime të mëtejshme.
(XH.A/SHUPLAKA)
