U kap në video, Lefter Alla reagon ‘’i çuditur”: Nuk jam unë, e kanë montuar

Në dy ditët e fundit emri i tij është lakuar më shumë se për të gjithë kohën që ai ka qenë në postin e kryetarit të Bashkisë.

Në një video që pritet të publikohet sot nga ana e gazetarit Artan Hoxha, nga e cila janë shkëputur disa foto, Lefter Alla, numri 1 i Bulqizës shihet duke konsumuar lëndë n arkotike në ambientet e një lokali.

Mirëpo  vetë Alla i kontaktuar nga mediat gjatë ditës së sotme, pretendon se videoja nuk është e tij, dhe gjithçka është një montazh i sajuar.

“Nuk jam unë personi në foto apo video, gjithçka është e montuar”, është shprehur Alla.

Lidhur me videon e Allës reagoi sot dhe Partia Demokratike, përmes ish-deputetit Ervin Salianji.

“Opinioni publik është tronditur sot nga pamjet sesi kryebashkiaku ilegjitim i Bulqizës, i emëruar nga Edi Rama, është duke konsumuar k okainë.

Janë cilësitë e kryeministrit të Shqipërisë, që i ka klonuar tek emërimet e tij politike në pushtetin lokal dhe në administratën publike,” tha Salianji.

(E.K/Faxweb.al)