Dy persona kanë rënë në prangat e policisë së Tiranës në kuadër të një operacioni antidrogë të zhvilluar gjatë orëve të fundit në kryeqytet. Sipas policisë mësohet se operacioni antidroge është zhvilluar nga Sektori i Antidrogës në qytetin e Tiranës.
Në kuadër të operacionit janë vënë në pranga shtetasit Klaudio Serjani 24 vjeç dhe Euxhenjo Manushi 20 vjeç.
Dy të arrestuarit janë kapur në afërsi të kthesës së Kamzës, pranë terminalit të autobusëve. Antidroga prej të paktën 6 muajsh i kishte në ndjekje dhe në përgjim dy të arrestuarit. Kryesisht ata e shpërndanin kokainën në zonën e ish-Parkut, por dhe në zona të tjera të Tiranës. Të dy kanë qenë në të njëjtën makinë luksoze dhe sapo kanë ndaluar kanë dalë me çantën me drogë. Në ate moment agjentet e Antidrogës kanë ndërhyrë dhe i kanë arrestuar.
Ndërsa vijon intensivisht puna për identifikimin dhe kapjen e personave të tjerë të përfshirë në këtë aktivitet kriminal.
Lënda narkotike, së bashku me një shumë parash dhe celularët e shtetasve të arrestuar, u sekuestruan në cilësinë e provës materiale.
Njeri nga te arrestuarit Klaudio Serjani rezulton te jete nipi i Pajtim Serjanit, I cili akuzohet per gjobvenie ne vitin 2014 dhe njihej si mik I Emilaion Shullazit.
Ne vitin 2015 eshte zhvilluar dhe nje atentat ndaj Pajtim Serjanit, 32 vjeç asokohe, në afersi te “Rrugës se Kavajës”, në Tiranë. Shkak dyshohet larja e hesapeve Por, më 1 Shkurt 2015 Gjykata e Krimeve të Rënda i la ata të lirë për mungesë provash. Në atentat mbeti i plagosur Serjani.
I dyshuar per plagosjen e Serjanit ishte Artur Baze, si vrasës me pagesë. Artur Baze, nga Skrapari, i njohur edhe me identitetin Arjanit Sterio, qëlloi ndaj Seranit duke e plagosur në këmbë dhe ndaj efektivit Mete, por mbeti vete gjatë ndjekjes i plagosur rëndë dhe më tej ndërroi jetë. Polici Mete, pjesë e Forcave Operacionale, dëshmoi se i bëri thirrje të dorëzohej autorit, por ai e qëlloi dhe iu desh të vetëmbrohej.
Discussion about this post