Paraditen e sotme kanë mbërritur në Gjykatën e Lezhës për t’’u njohur me masën e sigurisë, motër e vëlla, Armand Lukani dhe Amelda Elezi, të cilët u kapën të martën me tre mina me telekomandë, të cilat do t’i shisnin.
Të dy të rinjtë teksa ishin duke u futur në Gjykatë kanë shperthyer në lot, ndërsa nuk kanë munguar as fjalët e të atit “ç’më bërë mor bir”.
Në një deklaratë për mediat, i ati i dy të rinjve, 23 dhe 21 vjeçe, është shprehur se ata janë të pafajshëm dhe se dikush i ka përdorur.
Ai ka thënë se e bija është shtatzënë, ndërsa ka shtuar se nuk ka mundur t’u sigurojë një avokat fëmijëve, pasi gjendja e tyre ekonomike është e vështirë.
“Djali nuk është marrë kurrë më mina dhe lëndë narkotike, punonte në bujqësi. Mendoj e i ka përdorur dikush, sepse nuk kishte ku t’i gjente. Nuk kemi marrë avokat sepse nuk kemi mundësi ekonomike”, është shprehur në lot i ati.
