Tre persona janë vënë në prangat e policisë, pasi u kapën në flagrancë teksa kontrabandonin nga Maqedonia drejt Shqipërisë 10 krerë bagëtish të trasha (viça).
Ranë në pranga: Durim Çollaku, 55 vjeç, Gentjan Dashi, 27 vjeç, Ibrahim Bogdani, 51 vjeç. Arrestimi i tyre u krye nga shërbimet e policisë kufitare të DVKM-Korçë.
Detaje të Policisë së Korçës:
Shërbimet e policisë kufitare të DVKM-Korçë, bënë kapjen dhe arrestimin në flagrancë të shtetasve :
- Durim Çollaku, 55 vjeç,
- Gentjan Dashi, 27 vjeç,
- Ibrahim Bogdani, 51 vjeç, të tre banues në fshatin Rrajcë-Librazhd.
Arrestimi i tyre u bë pasi, këta shtetas u kapën në flagrancë nga shërbimet e Sektorit të Hetimit në DVKM Korçë në bashkëpunim me patrullën e Stacionit të Policisë Kufitare Qafë Thanë, në kufi të gjelbër në drejtim të piramidës nr 42, duke kontrabanduar nga Maqedonia në drejtim të Shqipërisë, 10 krerë bagëti të trasha (viça).
Materialet i kaluan Prokurorisë të Rrethit Gjyqësor Pogradec, për veprat penale : “Kontrabanda me mallra të tjera”, “Kalimi i paligjshëm i kufirit shtetëror” kryer në bashkëpunim, parashikuar nga nenet 174, 297 e 25 të Kodit Penal.
(XH.A/SHUPLAKA)
