Tre shqiptarë kanë rënë në prangat e policisë italiane dhe një tjetër është shpallur në kërkim, kjo pasi ata kishin marrë peng për disa ditë një tjetër bashkatdhetar.
Mediat italiane shkruajnë se para rrëmbimit shqiptari ka qenë në një bar, dhe e gjithë skena është parë nga klientët e tjerë të pranishëm.
Mësohet se shqiptari i marrë peng u kishte marrë një borxh prej 7 mijë eurosh agresorëve, kjo sepse donte të hapte një biznes të vogël, por ai nuk kishte mundur që tua shlyente tarifën.
Gjatë rrëfimit të tij në polici, shqiptari tregon se e kanë kërcënuar se do i vrisnin familjen, madje përvecse këcënuar ai edhe është dhunuar gjatë gjithë kohës. (D.D/Shuplaka)
