U komentua nga të gjithë, flet pas penalltisë së humbur Lionel Messi. Ky është mesazhi i tij

Lionel Messi humbi një mundësi të artë për ti dhënë fitoren Argjentinës ditën e sotme kundër Islandës, por nuk ia arriti pasi ai humbi penalltinë, e cila u prit nga portieri islandez.

Madje ai u komentua gjerësisht në mediat botërore dhe nga analistë pas dështimit për të ndihmuar ekipin e tij të fitonte.

Vetë Messi në një deklaratë të tij thotë se ai ishte përgjegjës për Argjentinën që nuk mundi Islandën pasi nëse penalltia do të shënohej “do të kishte ndryshuar gjithçka”.

“Më lëndon, sepse ishte përparësi vendimtare”, tha Messi. “Unë ndihem përgjegjës që nuk morëm tre pikët. Nuk kam asnjë dyshim se një gol nga goditja e penalltisë do të kishte ndryshuar gjithçka”.

Argjentina do të luajë në Grupin D kundër Kroacisë dhe Nigerisë. Por nga ana tjetër Mesi shikon përpara dhe mesazhi i tij është që ky rezultat nuk duhet të peshojë për dy ndeshjet e arshshme.

“Ne nuk kemi humbur shpresat tona pavarësisht nga barazimi, ne ende kemi të njëjtën dëshirë,” tha ai. “Mendoj se kemi merituar fitoren. Ne kemi punuar shumë duke u përpjekur të gjejmë hapësira në mbrojtjen islandeze, por nuk mundëm ta bëjmë.

“Ky rezultat nuk duhet të peshojë mbi ne pasi duhet shikuar përpara. Ne kemi pak ditë për të pushuar dhe për të përgatitur ndeshjen e ardhshme”, tha ai. (B.H/Faxweb)