Gjyqtari Bashkim Dedja pasi kaloi vettingun, do të përballet edhe me Komisionin e Posaçëm të Apelimit. Operacioni Ndërkombëtar i Monitorimit (ONM) ka paraqitur sot pranë organeve përkatëse një shkresë ku kërkon që kreu i Gjykatës Kushtetuese duhet të kryer sërish rivlerësimin e tij. ONM ka treguar dhe pikat ku mbështetet në kërkesën e tyre.
Kryetari i Gjykatës Kushtetuese u konfirmua në detyrë nga Komisioni i Pavarur i Kualifikimit më datën 13 qershor, pavarësisht se nuk e justifikonte dot pasurinë e tij. Për këtë arsye edhe ONM ka kërkuar një rivlerësim për të.
Njoftimi i plotë
Sot, më datë 26.7.2018, Komisioneri Publik, në ushtrim të funksionit të tij kushtetues, depozitoi pranë Komisionit të Pavarur të Kualifikimit ankimin ndaj vendimit nr. 24, datë 13.6.2018, për subjektin e rivlerësimit z. Bashkim Dedja.
Komisioneri Publik, pasi shqyrtoi vendimin e mësipërm të Komisionit të Pavarur të Kualifikimit, si dhe mori në konsideratë rekomandimin e paraqitur nga Operacioni Ndërkombëtar i Monitorimit për të paraqitur ankim, vlerëson se bazuar në provat dhe faktet e administruara nga Komisioni i Pavarur i Kualifikimit, subjekti i rivlerësimit, z. Bashkim Dedja, nuk arrin një nivel të besueshëm në vlerësimin e pasurisë.
Nëpërmjet këtij ankimi, Komisioneri Publik kërkon nga Kolegji i Posaçëm i Apelimit të marrë në shqyrtim çështjen në seancë gjyqësore dhe në përfundim të gjykimit të ndryshojë vendimin nr. 24, datë 13.6.2018, duke vendosur shkarkimin nga detyra të subjektit të rivlerësimit z. Bashkim Dedja, kryetar i Gjykatës Kushtetuese.
Discussion about this post