Mesfushori i kombëtares shqiptare, Taulant Xhaka, edhe pse nuk është ftuar nga trajneri De Biassi për ndeshjen ndaj Izraelit ka uruar ekipin për fitoren.
Shqipëria e ka mposhtur në udhëtim Izraelin në sfidën e gjashtë të vlefshme për kualifikueset e Botërorit “Rusia 2018”. Ndeshja e zhvilluar në stadiumin “Sammy Ofer” përfundoi 0:3 në të mirë të Shqipërisë.
Për këtë triumf janë uruar edhe nga mesfushori, Taulant Xhaka, i cili vuan mungesën në Kombëtare për shkak të konflikteve me trajnerin Gianni De Biasi.
Nëpërmjet një postimi në “Instagram”, Xhaka ka uruar shokët e skuadrës për rezultatin dhe paraqitjen dinjitoze në fushën e lojës.
“Urime fitorja!!! Forca Shqipëria! Urime çuna e keni meritu”, ka shkruar ai në rrjetet sociale.(B.H/Shuplaka)
