U la në arrest me burg, Erion Veliaj ankimon vendimin në Apelin e Posaçëm

Kryetari i Bashkisë së Tiranës, Erion Veliaj ka ankimuar në Gjykatën e Posaçme të Apelit arrestin me burg.

Nga informacionet mesohet se avokati i Veliajt, Ermir Beta, ka dorëzuar sot në gjykatë ankimimin.

Gjyqtari Erjon Bani, në atë seancë ndryshoi vetëm masën e bashkëshortes së Veliajt, Ajola Xoxës, nga arrest shtëpie në detyrim paraqitje dhe ndalim për të dalë jashtë vendit.

Në lidhje me arrestimin e tij, Veliaj ka reaguar duke e cilësuar procesin të orkestruar. Në një deklaratë të publikuar nga burgu, Veliaj pretendon se hetimet ndaj tij janë të mbështetura mbi fakte të fabrikuara dhe se arrestimi i tij është një pengmarrje pa gjyq.