38 vjeçari Dario Myftiu, me banim në Durrës, i dënuar më parë për fallsifikim dokumentash, u arrestua nga Specialistët për Narkotikët në Durrës me qëllim ekstradimin drejt Italisë.
Ndërkohë që Gjykata Italiane ka lëshuar ndaj tij urdhër arresti për veprën penale”Trafik droge”.
Ai pritet të dënohet me 20 vite burg.
Gjithashtu një vit më parë ai u lirua gabimisht nga burgu italian, edhe pse njihej si bos i drogës.
Njoftimi i policisë:
Vijon puna për kapjen e personave të shpallur në kërkim ndërkombëtar. Specialistët për Narkotikët arrestojnë një shtetas me qëllim ekstradimi drejt Italisë. Gjykata Italiane ka lëshuar urdhër arresti për veprën penale”Trafik droge”.
Specialistët për Hetimin e Narkotikëve në Drejtorinë Vendore të Policisë Durrës në bashkëpunim me Interpol dhe Sektorin e Narkotikëve në Drejtorinë e Policisë së Shtetit, në vijim të punës së tyre për vënien para përgjegjësisë penale të autorëve, kanë bërë të mundur arrestimin e përkohshëm me qëllim ekstradimi drejt Italisë të shtetasit:
Dario Myftiu 38 vjeç, banues në Durrës, i dënuar më parë për fallsifikim dokumentash. Arrestimi i këtij shtetasi u bë pasi: Gjykata e Padovës Itali me Vendimin Nr. OCCC 9710/2015 -139/2017RGGIP, datë 06.07.2017, ka lëshuar Urdhërin e Arrestit për veprën penale, “Trafik droge”, parashikuar në nenet 81, të Kodit Penal Italian, dhe nenit 73 e 80 të ligjit”Mbi drogat”. Maksimumi i denimit 20 vjet burg. Materialet I kaluan Prokurorisë së Rrethit Gjyqësor Durrës për veprime të mëtejshme.
(S.SH/Shuplaka)
