Vetëm dy ditë më parë në mediat online qarkulloi lajmi se moderatori i njohur i “Top Channel”, Mishel Rrena, i cili prezantoi sezonin e fundit të “Top Select” i kishte dhënë fund beqarisë duke u martuar me një mashkull. Një dasmë sekrete të cilën ata e kishin organizuar në Londër në prani të miqve të tyre.
Menjëherë pasi lajmi u bë publik dhe fansat e kryqëzuan Mishelin për vendimin e tij, moderatori mbylli edhe llogaritë e tij personale në rrjetet sociale.
Po kush është mashkulli me të cilin u martua Misheli?
“AlpeGossip” ka zbuluar se partneri i Mishelit quhet Tian Oliver Murray dhe ata janë bashkë që prej vitit 2014. Një romancë dashurie të cilën ata vendosën ta kurorëzonin me martesë, por që sipas burimeve për “AlpeGossip” nuk është pritur aspak mirë nga prindërit e moderatorit shqiptar.
Mishel dhe Tian u martuan nga mikesha e tyre e përbashkët, Brixhilda Rose. Ata përzgjodhën miken e tyre për këtë kurorëzim madhështor, e cila në këtë rast kreu rolin e një prifti. Rose është gjithashtu një mbështetëse e madhe e martesave gay.
Discussion about this post