Autoritetet koreano-veriore i kanë dhënë lirinë Siti Aisyah, shtetases indoneziane e cila u akuzua për vrasjen e gjysmëvëllait të liderit të vendit, Kim Jong un.
Aisyah së bashku me Doan Thi Huong, një shtëtase vietnameze ishin akuzuar për vrasjen e Kimi Jong-nam, në aeroportin e Kuala Lampurit, duke i hedhur në fytyrë, agjent nervor. Ajo është liruar, pas hedhjes poshtë të akuzave ndaj saj.
Kim ndërroi jetë rrugës për në spital teksa më vonë u vërtetuar se ai i është ekspozuar agjentit nervor, VX.
Disa muaj pas shtyrjes së gjykimit, procesi ishte planifikuar të vazhdonte të hënën, mirëpo prokurori i rastit ka kërkuar që Siti Aisyah të lirohet, pa dhënë ndonjë arsye.
Në një letër dërguar ministrit indonezian të Drejtësisë, Prokurori i Përgjithshëm i Malajzisë, ka sqaruar vendimin duke e arsyetuar lirimin e Aisyah me çështjet e ngritura nga Xhakarta, si dhe me marrëdhëniet e mira në mes të të dyja shteteve.
Gjyqtari i rastit ka pranuar kërkesën për lirimin e gruas së akuzuar, e cila në rast të ndëshkimit do të mund të përballej me dënim me vdekje.
Discussion about this post