Është gjetur trupi pajetë i 46-vjeçarit pas disa ore kërkimi, i cili u mbyt në lumin Mat ditën e sotme.
Në trupin e viktimës nuk janë konstatuar shenja dhune, në këtë mënyrë si opsion mbetet mbytja e viktimës.
Kujtojmë se viktima është identifikuar si Arben Marku dhe dyshohet se ishte futur për t’u larë në lumë.
Njoftimi i plotë:
“Kurbin
Në vijim të informacionit paraprak ku rreth orës 15:30, është njoftuar Salla Operative Kurbin se shtetasi A.M. 46 vjeç, banues në Skuraj është hedhur për tu larë në lumin Mat nga vendi i quajtur “Ura e Shkopetit” ( urë provizore) dhe nuk ka dalë më në breg, u bë i mundur gjetja dhe nxjerrja e trupit të tij, pa shenja jete.
Nga kqyrja paraprake, nuk janë konstatuar shenja dhune apo të ndonjë dukurie fizike në trupin e tij.
Vazhdojnë hetimet për zbardhjen e plotë të rrethanave të ngjarjes.”
(E.V/Faxweb.al)
