Gjykata e Korçës ka dhënë masën e sigurisë ‘arrest me burg’ për infermierin e spitalit të këtij qyteti Alku Gjalli. Ai akuzohet se u merrte para studentëve, 150-200 mijë lek në këmbim të notës kaluese në provim.
Kërkesa u bë nga Prokuroria e Korçës ndërsa është pranuar nga gjykata. 31-vjeçari Alku Gjalli u arrestua dy ditë më parë.
Gjalli akuzohet për veprën penale “Ushtrimi i ndikimit të paligjshëm ndaj personave që ushtrojnë funksione publike” parashikuar nga neni 245/1 i Kodit Penal.
