U ndaluan të hyjnë në QNV, numëruesit e PD-së dhe LSI-së përplasen me policinë

Një incident është shënuar ditën e sotme në kryeqytet, në shkollën “Vasil Shanto”, ku është ngritur një prej qendrave të votimit.

Mësohet se ka ndodhur një përplasje mes numëruesve të Partisë Demokratike dhe Lëvizjes Socialiste për Integrim nga njëra anë dhe forcave të policisë, nga ana tjetër.

Kjo për shkak se forcat e policisë nuk kanë lejuar këta numërues të futen brenda qendrës së numërimit të votave për shkak se nuk ishin të pajisur me mjetet e tyre të identifikimit.

Pas zgjidhjes së incidentit, numërimi në KZAZ-në nr. 35 ka rinisur.

(XH.A/SHUPLAKA)