Një supervilë që ndodhet mes pyjeve të Kanës në jug të Francës do të shembet. Vila superluksoze e cila kushton 56 milion euro, do të shembet pasi është ndërtuar ilegalisht në zonën e mbrojtur, mësohet se pronari i vilës nuk ka respektuar procedurat ligjore, duke ndërtuar në një zonë ku nalohen ndërtimet.
Gjykata franceze vendosi që shembja e vilës do të bëhet brenda një viti e gjysmë, pasi pronari, Patric Diter, nuk ka marrë leje përpara se ta ndërtonte atë.
Vendimi vjen pas një beteje ligjore prej 14 vitesh, që nisi kur fqinjët e tij, milionerët britanikë Stephen dhe Caroline Butt, denoncuan në polici ngritjen e një super vilë tjetër ku organizoheshin festa luksoze me të pasurit dhe personazhe të famshëm.
Discussion about this post