“U ndjeva e neveritur nga ato që më kërkoi të bëja”, pedagogia e drejtësisë rrëfen si u përdhunua nga prifti: Isha 17 vjeç

Një pedagoge drejtësie ka rrëfyer ngjarjen më të rëndë të jetës së saj. Për mediat e huaja, Julie Macfarlane ka treguar se kur ishte 17 vjeçe është abuzuar seksualisht nga një prift.

Ngjarja ka ndodhur para 40 vitesh në Angli, por Julie vendosi ta tregoi vetëm së fudmi historinë e saj për të sensibilizuar të gjithë vajzat e reja.

“Ai ishte një figurë shumë e lartë autoriteti për mua. Iu drejtova atij kur fillova të kisha dyshimet e mia në lidhje me besimin. Isha 17-vjeç dhe ai filloi të abuzonte me mua. Nuk e dija çfarë po ndodhte, u ndjeva e tmerruar dhe plotësisht e neveritur nga ato që ai më kërkoi të bëja”, ka rrëfyer 61-vjeçarja.

Ajo shtoi se pas përdhunimit u fut në një periudhë depresioni, teksa ju kërkoi të rejave që të denoncojnë çdo rast abuzimi.

Prifti sot është 81 vjeç dhe ndodhet në qelinë e burgut, ku vuan dënimin pas denoncimit të pedagoges së drejtësisë.