Ambasadori i OSBE-së Bernd Borchardt ka reaguar duke kërkuar falje pas gjestit që bëri ndaj banoëve të Astirit, kryesisht gra, të cilave u ngriti gishtin e mesit. Ambasadori thotë se ai respekton të drejtën e çdo qytetari për të protestuar.
“Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht”, ambasadori Borchardt.
Gjesti i ambasadorit të OSBE u krye gjatë ditës së djeshme, teksa banorët e Astirit ishin grumbulluar përpara drejtorisë së policisë së Tiranës, pas arrestimit të 15 personave, mes tyre dhe Klevis Balliu.
Duket se ambasadori humbi toruan kur banorët shanë Edi Ramën dhe më pas e quajtën turp qëndrimin e tij. “Shame on you”, ishin disa nga thirrjet e banorëve.
