Është ekstraduar nga Interpol Tirana një shtetas kosovar i dënuar me 20 vjet burg për “Vrasje me paramendim”.
Nga Specialistët e Interpol Tirana u krye ekstradimi nga Kosova drejt vendit tonë, i shtetasit, Kosovar, Ahmet Ajeti , 35 vjeç, lindur në Lipjan/ Kosovë.
Ajeti nuk është një emër i panjohur për drejtësinë shqiptare, pasi ai ka qenë pjesë e bandës së Endrit Dokle e Adriatik Coli, dhe është paguar me 80 mijë euro në vitin 2005 për të vrarë Lulzim Berishën.
Ngjarja e përmbledhur:
Më datë 30.08.2005, shtetasit Ahmet Ajeti dhe O. K. të porositur nga shtetasit E.D. dhe A.C., kanë shkuar nga Tirana në Durrës për të vrarë shtetasin L. B..
Para se të kryhej atentati në afërsi të lokalit ku ndodhej L. B., shtetasi Ahmet Ajeti është konfliktuar me disa persona të panjohur dhe në grindje e sipër ka nxjerrë pistoletën është vetplagosur.
(E.K/FAXWEB.AL)
