Të shtunën e fundit në “Xing me Ermalin” Ermal Mamaqi kishte të ftuar kastin e aktorëve të filmit “2 Gisht Mjaltë” ku ky i fundit bashkë me Elvana Gjatën janë protagonistët kryesorë të filmit.
Në këtë mbrëmje u fol gjithçka për filmin dhe nuk kishte si të mos prekej dhe çështja e pagesës së akorëve. Gjëja që ra më shumë në sy ishte deklarata e aktorit Rezart Veleshnja ku tha se ai për rolin e tij në film është paguar vetëm 200 euro, një shumë që ka ngritur pikëpyetje tek fansat.
Më pas akorët filluan një ping-pong mes tyre duke mos dashur të folin për shifra konkrete. Marjana Kondi tha që është paguar 50 euro e ndërsa ishte Ervin Bejleri ai që pohoi se si duke tani ka qenë aktori më i paguar i kastit.
“Po pse unë paskam qenë më i paguari?”-u shpreh Bejleri.
Në vijim të bisedës ka qenë përsëri Veleshnja që nxorri të tjera shifra ku tha që aktori Koco Devole ka marrë 25 mije euro për rolin e tij.
“25 t’i marrësh ti, se mora 50 mijë euro, aq sa mori gjithë filmi”-iu kthye aktori, Koço Devole.
Aktorët e kanë kaluar këtë moment përmes të qeshurës pasi kanë dashur ta mbajnë sekret këtë gjë.
Discussion about this post