U paraqitën për mjekim, QSUT dhe Trauma, detaje për të lënduarit e protestës së djeshme

Pas protestës së djeshme intensive për rreth 7 orë të opozitës ku dhjetra persona kanë mbetur të lënduar vijnë edhe raportimet nga urgjenca e QSUT-së dhe Spitali i Traumës.

Sipas QSUT-së, urgjenca ka qenë në gadishmëri deri në orën 00:00, ndërsa për ndihmë mjeksore janë paraqitur 8 pacient, ndër ta 3-punonjës policie dhe 5 protestues.

Ndërkohë, që bëhet me dije se në Spitalin e Traumës arrinë në 18 numri i personave që janë paraqitur me lëndime nga protesta, 14 prej të cilëve janë efektivë dhe 4 protestues. Sipas informacioneve, të gjithë janë larguar pas trajtimit nga ambjentet e spitalit përveç Sahit Dollapit.