Trajneri i Atletico Madridit, Diego Simeone, ka qenë ndër trajnerët më të përfolur në merkato. Së fundmi në media u fol për një kalim të tij tek skuadra italiane e Interit, megjithatë ai u ka dhënë fund dilemave.
Argjentinasi është paraqitur përmes video-lidhjes për të folur rreth turneut “Audi Cup”, që do të mbahet më 1 e 2 gusht në Munich, në të cilin do të marrin pjesë Bayern, Liverpool, Atletico dhe një skuadër tjetër, ende e pakonfimuar.
“Përmes video-lidhjes ai u shpreh se fakti që ishte i pranishëm në turne ishte sinjal I qartë, shkruan “zeri.info”. “Fakti që jam lajmëruar këtu është sinjal i qartë. Përfundimisht shihemi në ‘Audi Cup”, është shprehur Simeone. Ai drejton Atletico-n prej 6 vitesh dhe vazhdon të jetë ndër emrat më të lakuar për të ndërruar ekip këtë verë.
(B.H/SHUPLAKA)
