Në qoftë se deri dje kënga e shqiptarit Ermal Meta në bashkëpunim me Fabrizio Moro cilësohej nga mediat italiane si favorite për të fituar “Sanremo 2018”. Por nuk është më kështu pasi Ermal Meta po akuzohet për plagjiaturë.
Sipas mediave italiane “Non mi avete fatto niente” (Nuk më keni bërë asgjë) ka shumë ngjashmëri me këngën “Silenzio” pjesëmarrëse në edicionin e Sanremo Giovani të 2016-ës kënduar nga Ambra Calvani dhe Gabriele de Pascali.
Kritikët analizojnë se ka shumë ngjashmëri si në tekst dhe në melodi midis dy produksioneve. Të dy materialet kanë të njëjtin autor, Andrea Febo. Edhe në qoftë se ky detaj do i ndihmonte Metën dhe Moron për t’i shpëtuar skualifikimit, përhapja e “Silenzio” nuk i favorizon aspak në këtë situatë që të marrin çmimin e madh. (J.V/Faxweb)
