Në të gjithë mediat shqiptare u përfol për sherrin që ndodhi mbrëmë pas emisionit ‘Open” të Eni Vasiit mes Ralf Gjonit dhe Ervin Salianjit, ku nuk munguan as shuplakat mes tyre. (lexo edhe këtu)
Lidhur me këtë sherr ka reaguar në mënyrë indirekte pa përmendur emra, pak minuta më parë deputeti i LSI-së Gjoni.
Në një status të postuar në rrjetet sociale ai ka shkruar gjëja që i nevojitet Shqipërisë në këtë moment është një plaformë e vërtetë politike në Parlament dhe jo që kjo e fundit të kthehet në një platformë muskujsh në rrugë.
“Çdo ditë që kalon po ma forcon bindjen se Shqipëria ka nevojë për një platformë të vërtetë politike kombëtare, dalë nga vota e lirë dhe e barabartë e shqiptarëve.Politika nga platformë idesh në parlament është kthyer në platformë muskujsh në rrugë.”është shprehur Gjoni.
Ai ka shkruar gjithashtu se ky ndryshim mund të vijë vetëm përmes ndryshimit të sistemi zgjedhor, një kërkesë kjo e hedhur me ngulm nga opozita e re.
Statusi i Plotë i Ralf Gjonit:
IDETË NË PARLAMENT – MUSKUJT NË RRUGË!
Çdo ditë që kalon po ma forcon bindjen se Shqipëria ka nevojë për një platformë të vërtetë politike kombëtare, dalë nga vota e lirë dhe e barabartë e shqiptarëve. Politika nga platformë idesh në parlament është kthyer në platformë muskujsh në rrugë.
Shqipëria ka nevojë më shumë se kurrë për një kastë të re e të pastër politike që e do këtë vend. Shqiptarët kanë nevojë dhe kërkojnë një projekt të pavarur politik bazuar mbi ide, vizion dhe angazhim konkret për t’i dhënë zgjidhje problemeve reale të tyre.
Kjo vjen vetëm përmes ndryshimit të sistemit zgjedhor e përfaqësimit dinjitoz, dhe ne këtë axhendë të panegociueshme do shtyjmë në parlament!
(J.B/FAXWEB.AL)
