Ministria e Financave kërkon nisjen e procedimit penal ndaj një shtetas. Më 29 maj, ajo urdhëroi shkarkimin e shtetasit Kliton Bistri, me detyrë inspektor i Hetimit Tatimor. Ai akuzohet se ka marrë pjesë në aktivitete partiake.
Mësohet se kjo ministri i ka kërkuar Prokurorisë që të nisë procedimin penal ndaj shtetasit Bistri, i cili akuzohet se ka shkelur haptazi Kodin Penal.
Në apelin drejtuar qytetarëve, Ministria e Financave kërkon që qytetarët të denoncojnë rastet e ngjashme të punonjësve të Administratës Publike që bëhen pjesë e aktiviteteve partiake.
“Veprimi i tij është në shkelje të hapur të Kodit Penal të Republikës së Shqipërisë. Ministria e Financave ka urdhëruar me date 29 Maj shkarkimin e menjehershem te z. Kliton Bistri. Nisur nga ky rast, Ministria e Financave kërkon nga të gjithë punonjësit e institucioneve të varësisë qe të zbatojnë me përpikmëri detyrat funksionale në perputhje me legjislacionin në fuqi.
Gjithashtu ministria i bën thirrje qytetarëve qe të denoncojnë rastet e evidentuara nga ana e tyre të përfshirjes së punonjësve të administratës në varësi të Ministrisë se Financave ne aktivitetet partiake. “Ata jane te lutur qe te na shkruajne ose te na dergojne foto apo filmime ne numrin 0676054545. (Whatsapp, Viber)”, citohet në njoftimin e ministrisë.
(XH.A/SHUPLAKA)
