Pas denoncimit të publikuar nga ish-deputeti demokrat Astrit Patozi, se disa anëtarë të degës së Partisë Demokratike në Vlorë janë përjashtuar pasi kanë sharë dhe ofenduar kreun e PD-së, Lulzim Basha në rrjetin social Facebook, ka ardhur dhe reagimi zyrtar nga selia blu në Vlorë.
Në një deklaratë për mediat, PD në Vlorë mohon një përjashtim të tillë, por sqaron se këta anëtarë janë dorëhequr ndërsa një prej tyre ka munguar për më shumë se gjashtë muaj.
“Përsa u përket përsonave të përfolur si të përjashtuar, e vërteta është se:
ritan Kokoshi, anëtar i hershëm i PD dhe aktiv në veprimtaritë politike të PD, është dorëhequr me mirëkuptim për arsye personale. Ai mbetet anëtar i vleresuar dhe i respektuar.
Asqeri Bulla, prej më shumë se 8 muaj, është tërhequr nga aktivitetet politike të degës duke mos ushtruar detyrën e anëtarit te Kryesisë.
Mirela Shekaj, drejtuese departamenti, nuk e ushtron detyrën e saj prej 8 muajsh.
Në mbledhjen e datës 10.02. 2018, Kryesia e PD Vlorë formalizoi detyrimin statutor, që parashikon zëvendësimin e anëtarit të kryesisë, nëse ai nuk merr pjesë në mbledhje 6 muaj rresht”, thuhet në deklaratën e PD-së dega Vlorë.
(F.G/Faxweb)
