Gruaja shtatzënë e cila kundërshoi ditën e djeshme policinë bashkiak në aksionin e zhvilluar në Laprakë është proceduar ne gjendje të lirë.
Sipas informacionit zyrtarë të policisë mësohet se 32-vjeçarja, shtatëzënë është proceduar në gjendje të lirë nga forcat e policisë për veprën penale “Kundërshtimi i punonjësit që kryen një detyrë shtetërore ose një shërbim publik”.
Gjithashtu eshte arrestuar dhe një tjetër person me iniciale E.H 35-vjeç për po të njëjtën vepër penale.
Ndërkaq kujtojmë se i referohemi ngjarjes së ditës së djeshme teksa policia bashkiake në rrugën “Dritan Hoxha” kishte ndërrmarë aksionin për vendosjen e kangjellave anës rrugës me qëllim mbrojtjen e këmbësorëve nga automjetet. Por këto kangjella ishin para një biznesi privat duke e bllokuar këtë të fundit.
32-vjeçarja e cila është proceduar ne gjendje të lirë teksa ka kundërshtuar forcërisht policinë bashkike deri në përplasje fizike me ta.
Informacion paraprak:
Kundërshtuan me dhunë shërbimet e Policisë Bashkiake, vihet në pranga një shtetas dhe procedohet në gjendje të lirë një tjetër.
Specialistët për Hetimin e Krimeve në Komisariatin e Policisë Nr.6, bënë arrestimin në flagrancë për veprën penale “Kundërshtimi i punonjësit që kryen një detyrë shtetërore ose një shërbim publik”, të shtetasit:
- A., 32 vjeç, banues në Tiranë.
Ky shtetas dhe disa persona të tjerë, më datë 31.07.2019, gjatë vënies së disa kangjellave në trotuarin e rrugës “Dritan Hoxha”, kanë goditur me grushta njërin nga punonjësit e policisë bashkiake dhe i kanë penguar ata për kryerjen e detyrës.
Gjithashtu u procedua në gjendje të lirë shtetasja E. H., 35 vjeç, banuese në Tiranë për veprën penale “Kundërshtimi i punonjësit që kryen një detyrë shtetërore ose shërbim një publik”.
Vijon puna për vënien para përgjegjësisë penale dhe për persona të tjerë të përfshirë në këtë ngjarje.
Materialet në ngarkim të këtyre shtetasve u referuan në Prokurorinë e Rrethit Gjyqësor Tiranë për veprime të mëtejshme .
(KLIKO KËTU PËR TË PARË VIDEON)
Discussion about this post