Shtetasi D. Gj. 60 vjeç, i cili mbeti i plagosur në aksidentin e shënuar ditën e sotme në aksin rrugor Sarandë-Gjirokastër, pranë hyrjes për në fshatin Vrion, nuk ka mundur t’i rezistojë plagëve të marra.
Mësohet se ai ka ndërruar jetë në Spitalin e Traumës në Tiranë, ku u transportua me helikopter për marrjen e ndihmës së specializuar mjekësore.
Një përplasje mjetetesh midis mjetit motor, me drejtues shtetasin D.Gj, rreth 60 vjeç, banues në fshatin Vrion dhe mjetit furgon-sprinter, me drejtues shtetasin J.D, 30 vjeç, banues në Tiranë, u shënua rreth orës 10:30 të ditës së sotme.
Policia shoqëroi drejtuesin e furgonit, shtetasin J.D, për kryerjen e veprimeve të mëtejshme në lidhje me sqarimin e rrethanave të aksidentit.
Detaje të Policisë së Sarandës:
Drejtuesi i motorit, shtetasi D.Gj., rreth 60 vjeç, banues në fshatin Vrion, i cili për shkak të dëmtimeve të rënda ne trup nga aksidenti në aksin rrugor Sarandë-Gjirokastër, u transportua me Helikopter në Tiranë, ka ndërruar jetë në ambientet e Spitalit të Traumës.
(XH.A/SHUPLAKA)
Discussion about this post