U përplas nga një makinë në Elbasan, ndërron jetë turistja izraelite

Ka ndërruar jetë në spital turistja izraelite që u përplas ditën e djeshme në Elbasan.

Turistja Michel Nin, 31-vjeç ka ndërruar jetë ditën e sotme në spital.

Ngjarja ka ndodhur në lagjen “Emin Matraxhiu”, Elbasan dhe në këtë përplasje, u përfshi një mjet tip “Audi” dhe motoçikleta tip “Honda” që drejtohej nga bashkëshorti i turistes, shtetasi N.S., 42 vjeç, i cili mbeti i plagosur.(lexo këtu).

Policia e Elbasanit ka arrestuar në flagrancë shtetasit: F.M., 30 vjeç, banues në Elbasan dhe shtetasin izraelit N.S., 42 vjeç.

Materialet hetimore në ngarkim të shtetasve të lartëpërmendur i kaluan Prokurorisë pranë Gjykatës së Shkallës Parë Elbasan, për veprën penale ” Shkelje e rregullave të qarkullimit rrugor”.