Në një artikull të veçantë që “DailyMail” i ka kushtuar sot Princeshës Diana, zbardhen disa të pathëna të tmerrshme për jetën e saj, atë të vërtetën brenda pallatit mbretëror që populli nuk e njihte. “Në vitin 1991, pak njerëz e dinin të vërtetën për martesën e Princeshës Diana”.
Kështu nis artikulli ku shkruhet se si Lady Diana tentoi të presë damarët pas martesës për shkak të lidhjes së bashkëshorti i saj kishte me Camilla Parker Boëles. E shkatërruar nga kjo marrëdhënie, ajo vendosi të rrëfehet duke regjistruar sekretet e saj për Andreë Morton, duke i kërkuar rreptësisht të ruante sekretin e saj.
20 vjet pas vdekjes së saj, libri do të ripublikohet duke përdorur transkriptet e këtyre kasetave. Në rrëfimin e saj, Lady Diana tregon imtësisht për natën para martesës, praninë e Camilla Parker Boëles, fjalët që i tha Charles përpara dasmës: “Unë jam kaq krenar për ty, kur të dalësh unë do të jem aty tek altari për ty”.
Princesha Diana flet gjerësisht për luftën e saj me Buliminë, gjatë atyre ditëve, gjatë muajit të mjaltit kur çiftit iu desh të argëtonte njerëzit duke mos pasur kohë për vete. “Deri atëherë bulimia ishte e tmerrshme, absolutisht e tmerrshme. Ishte përhapur, katër herë në ditë në jaht”, shprehej Princesha Diana për të folur më tej për komentet e njerëzve, si ata i thonin se “kockat e saj dukeshin shumë keq”. “Unë isha duke u përpjekur me dëshpërim për ta bërë Charles-in krenar për mua. Unë nuk mund të flija, nuk haja, gjithë bota po shembej rreth meje. Shumë, shumë e vështirë shtatzënia me të vërtetë. Njerëzit u përpoqën të jepnin pilula për të më ndalur nga të qenit e sëmurë. Unë nuk pranova të rrezikoja fëmijën.” shprehej Lady Diana.
Ajo rrëfen edhe për situatën pas lindjes së William… për fotot e pafundme të Mbretëreshës me Charles dhe William, si ajo u la mënjanë, duke u ndjerë tmerrësisht e përjashtuar dhe e dëshpëruar.
(XH.A/SHUPLAKA)
[ngg_images source=”galleries” container_ids=”2098″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
