Një 23-vjeçar shqiptar, Davide De Gaetano është arrestuar nga policia italiane për vjedhjen e një makine “Audi A6″.
Ndërkohë që gjatë ndjekjes, për shkak te shpejtësisë së lartë dhe se shqiptari nuk i ndaloi, agjentët u detyruan të qëllonin me armë mbi të.
23-vjeçari humbi kontrollin e makinës dhe mbeti i plagosur. Gjatë qëndrimit në spital, ai është arratisur, pasi sulmoi dy policët që bënin roje në dhomën e tij. Janë të paqarta rrethanat si ndodhi sulmi, por mediat italiane shkruajnë se dy oficerët kanë pësuar lëndime dhe ndodhen të shtruar në spital.
Po ashtu autoritetet publikuan në media një foto të shqiptarit, duke u bërë thirrje qytetarëve që të kenë kujdes nëse e shohin pasi është i rrezikshëm dhe të lajmërojnë menjëherë policinë për vendndodhjen e tij.
(S.SH/Shuplaka)
Discussion about this post