Një punëtor i një kompanie mermeri në Korçë është plagosur rëndë në punë, dhe çështja është tentuar që të mbyllet nga ana e firmës. Pronar i kësaj firme është shtetasi Ardian Goçllari.
Nipi i tij ka denoncuar në ‘Fax News’ indiferencën nga ana e mjekëve, dhe faktin se policia nuk ka ndërhyrë në këtë ngjarje.
Sipas asaj që tregon nipi i tij, Llambi Laloti 50-vjeç ishte me probleme mendore, dhe kjo shfrytëzohej nga pronarët e firmës në fjalë.
‘Iu nënshtrua operacionit për 5 orë, në Korçë thanë që ishte një gërvishtje e lehtë. Pse duhet që doktorët duhet ta fshinin këtë ngjarje.?!Mermeri u thye dhe më pas xhaxhai nuk mban më mend asgjë. Në spital në Korçë e kanë çuar disa persona që më pas janë larguar.
Doktorët këtu në Tiranë thonë që presin që të bëjnë një operacion tjetër për këmbën. Pritet që t’i prihet fare këmba. Nuk kishte asnjë veshje të firmës, ishte me rroba civile. Ishte i pasiguruar, shkonte sa herë që ata të kishin nevojë për të, madje dhe nuk i jepnin as lekë”, u shpreh nipi i Llambri Lotit.
Menjëherë pas kësaj inspektoriati i punës në Korçë ka nisur hetimet në lidhje me këtë ngjarje, dhe me firmën në fjalë.
(E.K/FAXWEB)
Discussion about this post