Eshtë dhënë masa e sigurisë për Aleksandër Zhapaj.
Gjykata e Fierit ka vendosur masën e sigurisë “Arrest me burg” për Aleksandër Zhupaj, i cili mbeti i plagosur në urgjencën e Fierit, disa ditë më parë.
51-vjec nuk ndodhej në seancë, pasi Zhapaj ndodhet i shtruar te spitali i Traumës për shkak se ka marrë lëndime në trup si pasojë e përplasjes.
Si ndodhi përplasja në spital:
4 ditë parë, një person hapi zjarr me armë brenda në spitalin Rajonal të Fierit, duke plagosur një shtetas me të cilin ishte konfliktuar më parë.
Burime bëjnë të ditur se konflikti kishte nisur midis dy familjeve, Zhupa dhe Braçe, në Levan të Fierit, ku janë dëmtuar me sende të forta dy shtetas Gentian Zhupa dhe Aldo Zhupa, ndërsa shtetasit Klajdi Lamaj dhe Erild Muçaj janë lenduar me mjet prerës dhe ndodhen në spital.
Të plagosurit u transportuan për në Spital, për ndihmë mjekësore. Në Urgjencën e spitalit një prej shoqërueseve të të dëmtuarve, E.Braçe, i ka marrë armën e zjarrit nga brezi punonjësit të policisë, i cili po ndihmonte për të futur të plagosurit në Urgjencë dhe ka plagosur me armë zjarri një prej familjarëve të palës tjetër, shtetasin Aleksandër Zhupaj. (lexo këtu)
(K.H/FAXWEB)
