Drejtori i përgjithshëm i Institutit të Sigurimeve Shoqërore, Astrit Hado, është përzgjedhur nga ISSA si një prej moderatorëve të paneleve të diskutimit në Forumin Europian për Sigurimet Shoqërore që mbahet në Baku të Azerbajxhanit.
Në një postim në rrjetet sociale Hado shkruan se falë punës së bërë nga ekipi i ISSH-së, përfaqësimi shqiptarë në krah të homologëve europianë ka qenë dinjitoz.
“I vlerësuar që u përzgjodha nga ISSA si moderator i njërit prej paneleve të diskutimeve, mbi arritjet dhe sfidat në fushën e sigurimeve shoqërore në Europë!
Prej dy ditësh në Baku, Azejrbaxhan, po zhvillohet Forumi Europian për Sigurimet Shoqërore, ku në qendër të diskutimeve janë praktikat më të mira të realizuara nga çdo shtet pjesëmarrës për përmirësimin e shërbimit në fushën e sigurimeve shoqërore.
Falë punës së bërë nga gjithë ekipi i ISSH-së, tashmë edhe institucioni ynë prezantohet denjësisht përkrah homologëve europianë!”, shkruan Hado. Ndërkohë siç shihet edhe në fotot e mëposhtme drejtori i ISSH-së shihet në krah të përfaqësuesve të Gjermanisë dhe Latvias.
Prej më shumë se tre vitesh nga koha kur Hado ka marrë drejtimin e ISSH-së, ky institut ka njohur një sërë transformimesh, në mënyrë që të ketë një shërbim sa më të denjë për qytetarët.
(E.K/FAXWEB.AL)
Discussion about this post