Bardhyl Tusha është 33-vjeçari që humbi jetën më 28 janar të këtij viti në burgun grek të Karidhalos, ku fillimisht u raportua se vdekja e tij kishte ardhur nga mbidoza.
Ndonëse ai iu nënshtrua ekspertizës mjeko-ligjore, shkaqet e sakta të vdekjes nuk ishin bërë të njohura deri ditën e sotme të cilat janë bërë publike së fundmi nga mediat greke.
Ato raportojnë se bazuar tek raporti mjeko-ligjore dhe hetimet e hollësishme, ka rezultuar se 33-vjeçari shqiptar nuk ndërroi jetë si pasojë e mbidozës, por u mbyt.
Bardhyl Tusha, po vuante denimin për trafik të lëndëve narkotike dhe trupi i tij është varrosur tre muaj më parë në fshatin Shelegar të Sarandës.
Më herët mjekët e burgut grek, deklaruan se në trupin e shqiptarit nuk janë vërejtur shenja dhune dhe se dyshohet se vdekja mund t’i ketë ardhur nga abuzimi me drogën.
(F.GJ/FAXWEB.AL)
