Një ngjarje e rëndë raportohet të ketë ndodhur së fundmi në fshatin Braçanj të Devollit. Tre persona janë sulmuar dhe u janë marrë sendet personale, pak pasi ishin nisur për të udhëtuar drejt Greqisë.
Si pasojë e sulmit të beftë, njëri prej tyre ka ndërruar jetë. Fillimisht, ai u raportua si një person që u gjet i pajetë në Devoll, por mësohet se është njëri prej tre personave të sulmuar, që nuk ka mundur t’u mbijetojë plagëve.
Ai është identifikuar si Zarif Allihu, banues në fsahtin Vërdovë. Si pasojë e sulmit, mbeti i plagosur edhe një tjetër person, i identifikuar si M. V. 40 vjeç, nga fshati Nizhdavec, Maliq, i cili është dërguar në spital. Ndërsa personi i tretë, D. SH. rreth 40 vjeç, ndodhet në Komisariatin e Policisë së Devollit.
Grupi hetimor ka nisur punën për identifikimin e autorëve të këtij sulmi.
Detaje të Policisë së Korçës:
Më datë 18.03.2017 jemi njoftuar se në fshatin Braçanj tre shtetas të cilët do iknin për në Greqi janë sulmuar dhe goditur me mjete të forta nga disa persona, ku iu janë marrë edhe sendet personale.
Konkretisht shtetasit M.V, rreth 40 vjeç nga fshati Nizhavec dhe shtetasi Z.A, rreth 44 vjeç, banues në fshatin Vërdovë Pogradec, u transportuan në Spitalin e Korçës për të marrë mjekim ku si pasojë e plagëve të marra ky i fundit (Z.A) ka ndërruar jetë.
Në Komisariatin e Policisë Devoll, ndodhet shtetasi tjetër D.Sh, rreth 40 vjeç, të cilit po i merren deklaratat përkatëse në lidhje me këtë ngjarje.
Nga ana e Policisë po punohet për sqarimin e rrethanave të ngjarjes, identifikimin dhe kapjen e autorëve.
(XH.A/SHUPLAKA)
Discussion about this post